恋上墨尔本

分享者:
Kay Chui (2013 澳洲)


问:你来自哪里?
答:香港。

问:你什么时候参加工作假期?
答:我喺2013年9月赶上尾班车参加工作假期。

问:你曾到哪里工作假期?为什么会选择那个地方为目的地?
答:我曾到澳洲嘅墨尔本,因为当时有朋友都喺呢个地方工作假期。

问:在工作假期期间,你曾经做过什么工作?你又有修读什么短期课程吗?
答:我仲做过包装、Installer(安装员)、Housekeeping(房务员)、Waitress(侍应)、Sales and Marketing(销售及市场推广)、派报纸、Cleaning(清洁)、Farm(农场)、Merchandiser(采购员)同摆档卖衫,亦修读过一个厨师课程。

问:请分享你在工作假期中一个最难忘的经历。
答:其中一份工作——Installer对于我嚟讲系最难忘,呢份工作系来自澳洲维多利亚(Victoria)政府推行全民环保嘅计划,而我嘅工作系带住节能产品(节能灯泡、花洒头、门贴等)逐家逐户去推广同「亲手」帮住户安装节能产品同回收换出嚟嘅产品。呢份工真系充满挑战,除咗要说服户主畀我更换产品之外,安装亦会有难度。

问:工作假期为你带来最大的收获是什么?
答:喺整个Working Holiday 入面,我学识咗Work Life Balance,明白咗人生除咗家庭同工作之外,亦有好多唔同嘅嘢值得我去参与。游览唔同嘅地方令我见识多咗,我亦学识咗独立,厨艺亦都有进步,做事亦都唔会轻易放弃,仲识咗好多来自唔同国家嘅朋友,喺佢哋身上学识咗好多嘢,呢啲珍贵嘅友谊真系好难得。

问:对于那些打算到你目的地工作假期的青年人,你能否给他们三个贴士?
答:
1) 
可以先于墨尔本嘅Central Business District(中心商务区)搵一个可以短期住宿嘅地方, 一方面可以方便游览市中心嘅著名景点,亦可以喺搵到工作后先搬到工作附近嘅地方。
2) 
可以到一啲有关工作假期嘅网站先了解一些工作信息及住屋信息。
3) 
一定要有乘车卡(MYKI),因为乘搭所有交通工具都必须使用MYKI。

问:还有没有什么是你想补充的?
答:最后希望有兴趣嘅朋友仔心动不如行动, 至少畀自己一个尝试嘅机会,祝你哋好好享受你哋嘅Working Holiday啦,加油呀!Good Luck!

提提你:以上各个参加者的经验分享乃属个人意见,并不代表劳工处的立场。工作假期参加者在出发前应做好资料搜集,以取得最新和有效的资讯。

(Chinese version only)

  返回