你可以FF工作假期,但唔好毫无准备

分享者:
Yoga & 汶汶 (2015-2016 新西兰)


问:你来自哪里?
答:香港。

问:你什么时候参加工作假期?
答:2015至2016。

问:你曾到哪里工作假期?为什么会选择那个地方为目的地?
答:2015至2016系新西兰。新西兰人洁地灵,好多地方都未被污染,而且每年香港去新西兰工作假期嘅人数都有上限,唔洗去到外国都成日见到香港人都系主要原因,咁先可以感受到人在异乡工作嘅体验。

问:在工作假期期间,你曾经做过什么工作?你又有修读什么短期课程吗?
答:我哋做过唔算好多任务种,有印刷厂、奶粉厂、苹果厂同奇异果厂。最钟意系奶粉厂,因为佢系一间基本上得外国人嘅公司,对员工真系好好,好留恋佢地嘅饭堂,除咗有牛奶咖啡热汤任饮,成个饭堂仲对住雪山,好治愈,我会不记得自己其实返紧工架!其实普遍新西兰嘅公司对员工都好唔错,只系雪山同咁靓嘅饭堂就未必间间有啫!

问:请分享你在工作假期中一个最难忘的经历。
答:最难忘一定系我地圣诞假期出去road trip差啲死左,事情系咁嘅︰新西兰好多主要公路都系山路,落雨嘅时候开车当然要更加打起十二分精神,就喺我地回程时,开到山路嘅转弯位,有一辆车喺呢个时候从逆线过车插入我哋条线,就咁就撞咗去我哋度,我哋架车全毁,两个都送咗入院,好彩嗰时前面架大货车顶一顶,如果唔系就真系连人带车飞咗落山。

问:工作假期为你带来最大的收获是什么?
答:如果我哋冇去到working holiday,我哋就会生活喺一个叫「香港」嘅comfort zone入面,我哋未必有好多机会去外国做野,了解到原来文化真系可以差好远,其中有好有坏啦,例如你会知道,原来有啲外国人唔会储钱,每星期一出粮就用晒(我哋畀人撞完架车,对方仲问返我哋借钱畀佢自己个保险垫底费,先有钱还畀我地……),好多外国后生唔会为咗将来赚几多,担心前途而影响自己读金融读律师读乜乜,或者根本唔谂住做啲乜,唔会介意毕业花几年探索世界,亦都冇比家用嘅习惯哈哈哈。其实呢一切都会影响到你去思考究竟咩最适合自己。

问:对于那些打算到你目的地工作假期的青年人,你能否给他们三个贴士?
答:
1) 
请不要吝啬买保险的费用,意外系你意料之外!当然亦要搵信得过嘅人买,因为人在异乡,好多时你有事,第一个帮到你未必系屋企人,系保险,所以你要搵个有责任心嘅人买。(利申︰我唔系做保险嘅)
2) 
出外靠朋友,你去working holiday就算想认识多啲外国人,都一定要识啲同乡,因为往往身在外地最互相帮助到嘅就系同乡。
3) 
外国地好大,当你要开长途车嘅时候,请适时休息,亦唔好令自己好赶时间,唔系到时有意外就遗憾太迟了。

问:还有没有什么是你想补充的?
答:影多啲相,拍多啲片去记录低工作假期嘅珍贵时光。

提提你:以上各个参加者的经验分享乃属个人意见,并不代表劳工处的立场。工作假期参加者在出发前应做好资料搜集,以取得最新和有效的资讯。

(Chinese version only)

  返回