一夜之間的決定，兩年不一樣的經歷
By
Moson Yip (2014-2016 澳洲)
問︰你來自哪裡？
答︰香港。
問︰你什麼時候參加工作假期？
答：2014年 - 2016年
問︰你曾到哪裡工作假期？為什麼會選擇那個地方為目的地？
答︰澳洲。最初先係網絡上留意到日本打工換宿嘅文章，繼而接觸到工作假期呢樣野。而選擇澳洲嘅原因好簡單，因為澳洲冇名額限制，同時亦以英文為主要語言，可以冇咁擔心溝通上嘅問題。問︰在工作假期期間，你曾經做過什麼工作？你又有修讀什麼短期課程嗎？
答︰係呢兩年工作假期，長長短短都做咗好多份工。最初乜都唔識，亂咁做咗一星期極為辛苦嘅回收工作。後來幸運地遇到一個係當地開洗車Cafe （咖啡店）嘅香港老闆，係嗰度工作咗一個月，等我儲起一啲讓我可以開始安心出走嘅資金。
然後就開始咗各種農場工作，計件形式嘅採草莓、蘋果、橙、柑、桃、布霖……試過做好輕鬆嘅薯仔農場；亦試過做血腥無比嘅肉廠工作。
最後結束旅程之前，亦俾我好開心咁成功爭取到係雪山工作嘅機會。
問：請分享你在工作假期中的難忘經歷。
答：係呢一段時間最難忘嘅就係，每一份新工作，每一次移動到一個新地方，都會識到一班新嘅朋友。再同佢地一齊經歷每日嘅生活樂趣，一齊一早起身返工，收工一齊玩，放假一齊去不同景點。呢一份回憶，係香港生活節奏咁急速嘅地方好難搵到。如果要講實質嘅事情，發生係2015年1月嘅時候，當時我同朋友租車係塔斯曼尼亞環島遊。有日傍晚係其中一個小島上準備離開時發生意外，汽車失控撞山。雖然同行朋友都冇大礙，但車頭的確有啲撞毀。檢查一下覺得車子尚可駕駛，我地打算盡快開架車返租車公司，可惜未去到渡輪碼頭，車子就宣佈罷工。當下我地只好打電話到租車公司求助，但因為天黑已經冇船到島上，要第二日先可以接載我地。睇住夜幕漸漸昏暗，小島上人煙稀少，附近連一間屋都冇，我地當下真係十分徬徨無助。係我地正打算要係車上渡過嘅時候，一盞光亮嘅車頭燈停低咗係我地後邊。一個當地人問我地發生咩事，再三確定我地都冇受傷後，熱情地叫我地去佢屋企留宿，等第二朝租車公司嚟接載我地。呢件事令我感受到無比嘅溫暖！問：工作假期為你帶來最大的收穫是什麽？
答︰對生活多咗一份勇氣，可以更有勇氣去接受每一件新事物與挑戰。係澳洲雖然有好多美好回憶，但亦遇過各種不同嘅問題需要解決。回港後當面對各種問題嘅時候，總可以俾自己一個答案，事情未差到解決唔到嘅地步。好多事情只要勇於嘗試，總會搵到解決嘅辦法！
另一個最大收穫就係一大班朋友！同佢地一齊經歷各種生活嘅歡樂回憶！
問：對於那些打算到你目的地工作假期的青年人，你能否給他們一些貼士？
答：首先，擁有車牌同有車係一件好有幫助嘅項目，因為要係當地生活一段長時間，生活用品各種設備裝備都會慢慢增加，擁有移動工具可以令你便利好多，同時係尋找工作亦方便得多。
其次，盡早脫離城市生活，既然離開咗香港呢個城市化嘅地方，就儘管體驗不一樣的生活。
最後，多與室友同事交流，結識更多朋友擴闊自己眼界，了解不同人嘅故事。
問︰還有沒有什麼是你想補充的？答︰踏出你嘅第一步，去睇下不一樣的世界。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
答︰香港。
問︰你什麼時候參加工作假期？
答：2014年 - 2016年
問︰你曾到哪裡工作假期？為什麼會選擇那個地方為目的地？
答︰澳洲。最初先係網絡上留意到日本打工換宿嘅文章，繼而接觸到工作假期呢樣野。而選擇澳洲嘅原因好簡單，因為澳洲冇名額限制，同時亦以英文為主要語言，可以冇咁擔心溝通上嘅問題。問︰在工作假期期間，你曾經做過什麼工作？你又有修讀什麼短期課程嗎？
答︰係呢兩年工作假期，長長短短都做咗好多份工。最初乜都唔識，亂咁做咗一星期極為辛苦嘅回收工作。後來幸運地遇到一個係當地開洗車Cafe （咖啡店）嘅香港老闆，係嗰度工作咗一個月，等我儲起一啲讓我可以開始安心出走嘅資金。
然後就開始咗各種農場工作，計件形式嘅採草莓、蘋果、橙、柑、桃、布霖……試過做好輕鬆嘅薯仔農場；亦試過做血腥無比嘅肉廠工作。
最後結束旅程之前，亦俾我好開心咁成功爭取到係雪山工作嘅機會。
問：請分享你在工作假期中的難忘經歷。
答：係呢一段時間最難忘嘅就係，每一份新工作，每一次移動到一個新地方，都會識到一班新嘅朋友。再同佢地一齊經歷每日嘅生活樂趣，一齊一早起身返工，收工一齊玩，放假一齊去不同景點。呢一份回憶，係香港生活節奏咁急速嘅地方好難搵到。如果要講實質嘅事情，發生係2015年1月嘅時候，當時我同朋友租車係塔斯曼尼亞環島遊。有日傍晚係其中一個小島上準備離開時發生意外，汽車失控撞山。雖然同行朋友都冇大礙，但車頭的確有啲撞毀。檢查一下覺得車子尚可駕駛，我地打算盡快開架車返租車公司，可惜未去到渡輪碼頭，車子就宣佈罷工。當下我地只好打電話到租車公司求助，但因為天黑已經冇船到島上，要第二日先可以接載我地。睇住夜幕漸漸昏暗，小島上人煙稀少，附近連一間屋都冇，我地當下真係十分徬徨無助。係我地正打算要係車上渡過嘅時候，一盞光亮嘅車頭燈停低咗係我地後邊。一個當地人問我地發生咩事，再三確定我地都冇受傷後，熱情地叫我地去佢屋企留宿，等第二朝租車公司嚟接載我地。呢件事令我感受到無比嘅溫暖！問：工作假期為你帶來最大的收穫是什麽？
答︰對生活多咗一份勇氣，可以更有勇氣去接受每一件新事物與挑戰。係澳洲雖然有好多美好回憶，但亦遇過各種不同嘅問題需要解決。回港後當面對各種問題嘅時候，總可以俾自己一個答案，事情未差到解決唔到嘅地步。好多事情只要勇於嘗試，總會搵到解決嘅辦法！
另一個最大收穫就係一大班朋友！同佢地一齊經歷各種生活嘅歡樂回憶！
問：對於那些打算到你目的地工作假期的青年人，你能否給他們一些貼士？
答：首先，擁有車牌同有車係一件好有幫助嘅項目，因為要係當地生活一段長時間，生活用品各種設備裝備都會慢慢增加，擁有移動工具可以令你便利好多，同時係尋找工作亦方便得多。
其次，盡早脫離城市生活，既然離開咗香港呢個城市化嘅地方，就儘管體驗不一樣的生活。
最後，多與室友同事交流，結識更多朋友擴闊自己眼界，了解不同人嘅故事。
問︰還有沒有什麼是你想補充的？答︰踏出你嘅第一步，去睇下不一樣的世界。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
(Chinese version only)