与我分手重新认识自己

分享者：

问：你来自哪里？
答：火星……喺香港出得梗系香港啦。

问：你什么时候参加工作假期？
答：2014-2015。

问：你曾到哪里工作假期？为什么会选择那个地方为目的地？
答：澳洲。我一直都钟意去旅行同冒险，亦都喜欢摄影，其实一直都想去Working Holiday，储咗几年钱先去。拣澳洲系因为︰大自然、风景、朋友。

问：在工作假期期间，你曾经做过什么工作？你又有修读什么短期课程吗？
答：黑工同白工都做过，做过kitchen hand（厨房助手），上咗好多宝贵嘅人生课堂。例如其中一个系切肉过程，基本上以前我除咗份文职，我冇做过其他工。去到澳洲要学切肉，真系好难。咁师父有一次问，系咪我切？我答系，佢就话，如果系出面大厨房，你畀其他师父闹到狗血淋头啦！切到唔平均咁点煮！嗰一下我就明白，如果我个岗位做唔好，原来系会影响到其他人。我喺以前份工咩都可以跟到足，但出到嚟就唔系，总有自己做唔到嘅事，所以喺当时就学识呢样嘢。
亦都做过Receptionist，学识好够胆咁去讲英文（其实系必须）。
做过农场，系白工嚟，亦系搵得最多钱又最好玩！同当地人一齐做嘢打成一片！佢哋又肯教我英文、野外技能。

问：请分享你在工作假期中一个最难忘的经历。
答：冇咩，因为整个过程已经好难忘，但硬系要拣一个，就系认识到一啲当地好朋友！
其实最难忘应该系喺农场做嘢，同外国人打成一片，冇歧视问题，好好玩，一齐掟红莓，一齐「蛇王」。有一次主管唔喺度，咁我哋分两边做嘢，点知掟得太劲，有个同事同副主管投诉，咁第二日就畀人好认真咁话要好好做嘢唔好再掟，唔系就停职。主管知道后，就当然好认真咁训话，叫唔好再掟。但私底下佢哋原来话呢啲系Boy's thing佢系唔会理，结果主管路过监工个阵，就系咁掟我哋，笑住叫我哋唔好掟XDDDDD

问：工作假期为你带来最大的收获是什么？
答：睇清楚世界系点，了解到自己有几细。

问：对于那些打算到你目的地工作假期的青年人，你能否给他们三个贴士？
答：
问：还有没有什么是你想补充的？
答：好好享受大自然，澳洲嘅大自然景色真系无与伦比，有时候真系会怀疑自己睇紧个景系真定假。世界好大，珍惜时间，去睇清楚去了解世界各地风土人情，唔好令自己后悔边度都无去过。

提提你：以上各个参加者的经验分享乃属个人意见，并不代表劳工处的立场。工作假期参加者在出发前应做好资料搜集，以取得最新和有效的资讯。

(Chinese version only)